倒帶三之三

上毎月返港，主要是探姑姐病

其次是搞掂各項鎖事

週五飛回東京前一晚，從澳門

趕回香港跟各位元老吃飯

席上同朋友T記提起

去澳門那天醫生已叫大家去守門口

需然false alarm，

但其實都是差不多夠鐘

不是這個禮拜都會是下個禮拜。

T記就提議call airline延遲時間。

雖然已經網上check-in了，但試試也冇壞，

於是打算回家再打問問可行性。

好明顯，番家後完全冇左回事

翌日下午三時多回到東京，

姑姐則在三點幾我land時過身。

今天是她出殯的日子。

如果能夠回帶，

我希望能夠記得打那個電話。

倒帶三之二

REWIND

時間：同一晚上。

地點：體育館轉個彎

做乜：綵排後飯局

彩虹道室內運動場附近的
打冷店陳2興幾好食，
好多年沒有打冷，吃下第一口時真像
Ratatouille裡的美食家Anton
一路time travel回十幾年前的感覺。

飯後亞b吵著要吃甜品
笑談之間離開時已過午夜，
街坊指路原來對開大路有
116搭。
看看時間表，幸好還有
最後一班十二時半尾班車，
幾分鐘後到站。
很久沒深夜搭過海巴士，
周遭景色完全沒見過的樣子
上了車，好像遊客的感覺，
一切竟然覺得很新鮮。

點知新鮮左兩個站，
咦，天光道？那是我以前
練完壘球後身水身汗等巴士的地方；
再過兩個站，咦？
原來是我舅父家。仲記得
靚妹時代附近有家嗡嗒文具店
有網紙賣，超級平，
那時總是踎在裡面揀成個鐘。

再過多兩個站，已經是紅磡。
夜晚無traffic，十數分鐘已經由
黃大仙去到天后，
同小巴有得輝。

需然只得幾個字時間，
發覺當回帶回多一點點時，
原來還可有新發現。

倒帶三之一

REWIND

時間：幾個禮拜前的週一晚上。

地點：鳳德道

做乜：去彩虹道室內運動場探班看綵排。

上google map看見鑽石山及黃大仙站都可下車，

懶醒的print了其中一個站的地圖，

然後神推鬼own的在另一個站下車。

下了車又自以為是的睇地鐵地圖

打算求其出了地面再估下點去。

一上地面發覺原全不是一回事，

路又闊，街口又遠

一行錯就滿盤皆落索。

但我好鐘意賭，就喺出口(A出口，一世都記得佢)

向左走。行行吓又上埋個斜坡，

pass埋成排小巴站，去到真係唔知邊度

先打電話問friend

人地都一頭霧水，叫我搭的士。

上了的士連司機都要call番台

問究竟彩虹道體育館响邊。

終於去到仲要跳一下錶。

這個rehearsal都幾貴，
結果仲要等成個鐘才開始排！

lesson 1: 原來香港係大到連就近的士司機都可以唔識路的

lesson 2: 唔識路就唔好玩即興，尤其是趕時間

lesson 3: 就算行錯路，都唔好揀反方向行！

終於發現他的不好之孤兒仔

昨晚俾人激到啤一聲，
一刻也不想留在家中。
跑落街去了便利店
之後亦完全不想回去，
特登兜路走遠路行
走著走著在想可以去哪兒。
想極也想不到可以找誰。
一是要湊仔，一些住到冇雷公咁遠
最近的MK住的地方又細到唔俾人上去
行了十分鐘，淨係想得到去酒店。
於是最後當然係死死地氣回家。

正所謂出外靠朋友
但當會收留你的朋友在幾千哩之外
遠水就算救得近火，
飛過去都幾貴咁囉。

一大隱憂！！